المقامات الموسيقية

|مقامات الموسيقى|غذاء الروح … مكوناته وطريقة تحضيره

February 24th, 1:26am February 25th, 2:04am

Sayed Metawae

مقامات الموسيقى

صنع بسحرك : هى كلمة تتألف من ثمانية احرف , من بداية اسم كل مقام من مقامات الموسيقى الاساسية, سوف نتعرف عليها فى المقالات القادمة ونتقرب منها بشكل يكفى انك تحس الفرق بين المقامات , وتعرف تعزف الاغنية من مجرد سماعك ليها

الموسيقى هى لغة لا تحتاج لترجمة , سوف نبدأ بتعلم الموسيقى للمبتدئين الغير اكادميين , و هنبدأ نذاكر مع بعض لحد مانوصل انك تقدر تعمل الموسيقى الخاصة بك , وكمان مش هانستخدم مصطلحات غليظة ومكلكعة عشان احنا بنحب الموسيقى وعايزين نفهمها , ونحس بالاغانى اللى بنحبها , ونعرف ليه احنا بنحب الاغنية دى ومانحبش دى , وكمان هانعرف ايه السبب اللى يخليك تحب مقطع معين من اغنية معينة

الطبقات الموسيقية

السلم الموسيقى يتكون من 7 طبقات موسيقية اساسية و5 فرعية , فى الصورة يظهر سلم مقام عجم الدو ( اى مقام العجم من طبقة الدو ) اسم المقام فى الموسيقى الغربية دو ماجير اى مقام الدو الكبير , والدو مينير هو مقام الناهواند من طبقة الدو. من امثلة المقام اغنية ( اغدا القاك : ام كلثوم ) , (فيوم وليلة : وردة ) ( زورونى كل سنة مرة : فيروز )
الطبقات الاساسية هى دو,رى,مى,فا,صول,لا,سى .و الطبقات الفرعية كما فى الصورة هى : دو دييز,مى بيمول,فا دييز,لا بيمول, سى بيمول, المسافاتاللى بين الدرجات دى تتفاوت من مقام لاخر , لان كل مقام بيعبر عن حالة مزاجية مختلفة